Komuna e Mitrovicës ka njoftuar se po vazhdon me intensitet aksionin për largimin e reklamave të vendosura kundërligjshëm në hapësirat publike të qytetit.
Sipas njoftimit, ekipet e Drejtoria e Inspekcionit janë në terren duke larguar reklamat që nuk përmbushin kriteret ligjore, me synim përmirësimin e rendit urban dhe rritjen e sigurisë për qytetarët.
Njoftimi:
Vazhdon largimi i reklamave të kundërligjshme
Drejtoria e Inspekcionit është duke vazhduar me intensitet aksionet për largimin e reklamave të vendosura kundërligjshëm në hapësirat publike.
Ekipet në terren janë duke bërë largimin e tyre, me qëllim ruajtjen e rendit urban dhe sigurisë publike. Aksionet do të vazhdojnë edhe në ditët në vijim.