Punëtorët teknikë paralajmërojnë grevë për nesër - Bota Sot
Punëtorët teknikë paralajmërojnë grevë për nesër

Prishtina

Punëtorët teknikë paralajmërojnë grevë për nesër

Më: 26 shkurt 2019 Në ora: 15:11
Foto ilustrim

Sindikata e Pavarur e Sektorit Privat të Kosovës, pas takimit të sotëm me përfaqësuesit sindikalë të punëtorëve teknikë të shkollave në Prishtinë, ka marrë vendim që nesër të hyjnë në grevë, për shkak të mos pagesës së rritjes 4% të pagës nga rritja në sektorin publik e vitit të kaluar dhe mos dialogimi për kthimin e këtyre punëtorëve nën menaxhimin e komunës së Prishtinës.

Në takim morën pjesë përfaqësuesit sindikalë të punëtorëve teknikë të shkollave “Ismail Qemaili”, “Pjetër Pogdani”, “Asim Vokshi”, “Naim Frashëri”, “Eqrem Qabej”, “Hoxh Kadri Prishtina”, shkolla bujqësore, “Dardania”,“ Gjergj Fishta” , përfaqësuesit e QMF në Prishtinë dhe përfaqësuesit e kompanive të sigurimit.

Në rast të mos përgjigjes nga komuna e Prishtinës, Sindikata e Pavarur e Sektorit Privat të Kosovës paralajmëron se më 5 mars do të hyjnë në grevë deri në realizimin e kërkesave.

Pas njoftimit për hyrje në grevë,  kryetari i Komunës Shpend Ahmeti ka kërkuar takim me udhëheqësin e Sindikatës, i cili do të mbahet nesër, por pavarësisht këtij takimi greva do të mbahet, njofton Sindikata e Pavarur e Sektorit Privat të Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...