(E plotësuar) - Gjatë orëve të hershme të mëngjesit të ditës së sotme, në afërsi të Kuvendit të Kosovës,ka pëlcitë një gyp i ujit i materialit Gizë.
Deri te pëlcitja ka ardhë si pasojë e vjetërsisë së tubacionit.
Ekipet e ujësjellësit kanë dalë menjëherë në vendin e ngjarjes për të intervenuar dhe sanimi i defektit pritet të përfundojë shumë shpejtë.
Pa ujë të pijshëm janë një pjesë e vogël e rrugës" Bajram Bahtiri" në Prishtinë.
***
Një gyp i ujësjellësit ka shpërthyer mëngjesin e ditës së sotme para Kuvendit të Kosovës.
Nga ky shpërthim i gypit, uji ka vërshuar një pjesë të Sheshit. Uji, që nga ndërtesa e Kuvendit ka arritur deri para “dyerve” të Qeverisë.
Deri para pak minutash askush nga organet kompetente të ujësjellësit nuk ka dalë te vendi i ngjarjes.
Pas disa orësh, njësitet relevante kanë dalë në vendngjarje dhe janë duke u marrë me sanimin e këtij shpërthimi. Deri më tani nuk dihen për shkaqet e defektit.