Kujdes ku i parkoni makinat, policia me aksion për kundërvajtje në Prishtinë - Bota Sot
Kujdes ku i parkoni makinat, policia me aksion për kundërvajtje në Prishtinë

Prishtina

Kujdes ku i parkoni makinat, policia me aksion për kundërvajtje në Prishtinë

Më: 9 shtator 2019 Në ora: 18:15
Foto

Policia e Kosovës ka bërë të ditur se që nga 2 shtatori ka krijuar Task Forcën për lëvizjen e lirë të automjeteve dhe këmbësorëve në rrugët primare të kryeqytetit.

Përmes një komunikate, policia bën të ditur se ky plan operativ është krijuar me qëllim të lirimit të trotuareve dhe rrugëve kryesore të Prishtinës.

 “Në këtë plan operativ janë caktuar disa njësi policore nga Divizioni i Trafikut Rrugor  dhe drejtoria rajonale në Prishtinë(DRP), të cilat prioritet e kanë të merren me kundërvajtësit të cilët ndalin apo parkojnë mjetet e tyre në mënyrë të parregullt. Masat fillestare ndaj kundërvajtësve kanë qenë vërejtjet dhe tiketat e trafikut, ndërsa ditëve në vazhdim me qëllim të përmirësimit të gjendjes në trafik dhe ofrimit te sigurisë për të gjithë pjesëmarrësit në trafik, do të ashpërsohen masat ku përveç gjobës do të merren edhe masa shtesë sipas ligjit”, thuhet në komunikatë.

Tutje theksohet se risi në realizimin e këtij plani paraqet vendosja e njoftimit në xhamin e përparmë të mjetit të parkuar, i cili njoftim e obligon qytetarin të paraqitet në polici dhe për të marr tiketën e trafikut për parkim të parregullt.

“Po ashtu, Policia do të ndërmarr të gjitha masat ligjore edhe nëse drejtuesi i mjetit nuk paraqitet pran mjetit apo sipas njoftimit, dhe ndaj tij do të lëshohet tiketa përkatëse bazuar në të dhënat që merren nga Qendra për Regjistrimin e Automjeteve (QRA), gjithashtu sipas nevojës në mjet do të vendosen bllokada ose do të zhvendoset tërësisht mjeti i cili pengon qarkullimin e lirë të mjeteve dhe këmbësorëve, andaj Policia e Kosovës kërkon nga të gjithë pjesëmarrësit në trafik që t’i respektojnë rregullat e trafikut rrugor”, bën të ditur zyra për informim e policisë në Prishtinë.

Ndërkaq vetëm gjatë javës së parë të implementimit të këtij plani (nga 02 deri 06 shtator.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...