Shpërthen gypi, një pjesë e Prishtinës mbetet pa ujë - Bota Sot
Shpërthen gypi, një pjesë e Prishtinës mbetet pa ujë

Prishtina

Shpërthen gypi, një pjesë e Prishtinës mbetet pa ujë

Më: 30 maj 2020 Në ora: 20:28
Foto ilustrim

Në orët e pasdites të së shtunës është dëmtuar gypi i ujit në lagjen “Përroi i Njelmët” në Zonën Industriale, magjistralja Prishtinë – Fushë Kosovë.

Kompania Rajonale e Ujësjellësit “Prishtina” ka njoftuar se ekipet e mirëmbajtjes dhe operimit deri më tash ishin në vendngjarje për sanimin e tij, por që nuk kanë arritur të sanojnë problemin.

Ju njoftojmë se, për shkak të natyrës më të ndërlikuar të defektit, si pasojë e kabllove elektrike në afërsi të gypit dhe mosrrezikimit të jetës së punëtorëve, gjysma e sanimit ka mbetur të realizohet mëngjesin e ditës së nesërme.

Me këtë rast, pa ujë të pijshëm janë: lagjja “Prroi i Njelmët” Zona Industriale (në afërsi të gypit të dëmtuar) deri te rrethi i lagjes “Arbëria” që lidhet me rrugën Prishtinë- Mitrovicë. Konsumatorëve u kërkojmë ndjesë dhe u premtojmë që me zbardhjen e ditës së nesërme, ekipet do të merren intensivisht me sanimin!

Shfaq komentet
comments powered by Disqus
Sot mund të lexoni Shfletoni kopertinat