Shkolla “Elena Gjika” në Prishtinë, të hënën nis procesin mësimor

Prishtina

Shkolla “Elena Gjika” në Prishtinë, të hënën nis procesin mësimor

Më: 30 shtator 2022 Në ora: 14:48
Foto ilustrim

Përmes një njoftimi dërguar në grupet e klasave në rrjetet e ndryshme sociale, drejtoria e shkollës fillore “Elena Gjika” në Prishtinë, njofton se kolektivi i shkollës ka vendosur që mësimi të fillojë nga e hëna e 3 tetorit.

Pasi falënderohen prindërit që përgjatë këtij muaj, të cilësuar si të vështirë për ta dhe mësimdhënësit, dhe të  indinjuar nga mosrealizimi i kërkesave në kohën më të vështirë financiare, drejtoria e shkollës njofton se kolektivi i SHFMU ” Elena Gjika”, merr vendim që për hir të nxënësve, të fillojë procesin mësimor.

“Duke e parë se kjo grevë do vazhdonte në pafundësi për shkak të mungesës vullnetit të mirë nga të gjitha palët, nga dita e hënë me datë 03.10.2020 , e fillon procesin mësimor”, shkruan në njoftim.

Përndryshe, pritët që sonte në Këshillin Grevist të BSPK të mbërrijnë rezultatet e SBASHK-ut, me votat e mësimdhënësve nga e gjitha Kosova.

Ata janë deklaruar nëse janë për pezullim të grevës deri në janar, që t’i jepet kohë qeverisë në plotësimin e kërkesave të tyre e që mësimi të fillojë me 3 tetor, ose të vazhdohet me grevën.

Vendimi bazuar në këto rezultatet pritet të publikohet sonte vonë ose nesër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat