Komuna e Prishtinës ka paralajmëruar se do të mbajë konferencë të jashtëzakonshme, në të cilën do të mësohen masat që do të ndërmerren për uljen e nivelit të ndotjes së ajrit në Prishtinë.
Komuna këtë konferencë do ta mbajë se bashku me ministren e Mjedisit dhe Planifikimit Hapësinor.
“Sot në ora 17:00, në objektin e vjetër të Komunës së Prishtinës, Komuna e Prishtinës bashkë me Ministren e Mjedisit dhe Planifikimit Hapësinor, si dhe Ministrin i Punëve të Brendshme, do të mbajnë konferencë të jashtëzakonshme për media ku do të njoftoheni lidhur me masat që do të ndërmarrim së bashku për uljen e nivelit të ndotjes së ajrit”, thuhet në njoftimin e shkurtër të komunës.