Totaj e Krasniqi vizitojnë Zhurin: Me qeverisjen e PDK-së, do ketë zhvillim të dinjitetshëm

Prizreni

Totaj e Krasniqi vizitojnë Zhurin: Me qeverisjen e PDK-së, do ketë zhvillim të dinjitetshëm

Më: 3 tetor 2021 Në ora: 18:14
Memli Krasniqi

Kandidati për Kryetar të Prizrenit nga radhët e PDK-së Shaqir Totaj i shoqëruar nga bashkëpunëtorë, këtë diele është njoftuar më shumë me sfidat e fermerëve.

Ai i shoqëruar nga Kryetari i PDK-së Memli Krasniqi dhe kandidatët për Kuvendin e Prizrenit në zgjedhjet e 17 tetorit, nga Zhuri Sulltan Badallaj, Sali Ademaj dhe Taulant Muja, kanë mbajtur një takim me strukturat e degës së PDK-së në Zhur, për ta shpalosur programin e PDK-së, gjatë qeverisjes së ardhshme të Prizrenit.

Memli Krasniqi, në fjalën e tij ka folur për figurën e Shaqir Totajt dhe ka shtuar se kandidati i PDK-së Totaj është oferta më e mirë për qytetarët e Prizrenit, të cilët kanë shumë arsye që më 17 tetor të votojnë për ardhmërinë e Prizrenit.

”PDK në misionin e vet ka vazhdimin e ndërtimit të shtetit dhe rregullimin e mirëqenies së qytetarëve. Për ne çdo herë ka qenë dhe do të jetë vendi e jo pozita individuale. Ne jetojmë për Kosovën dhe angazhohemi për të”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat