​Quni: LDK do të rikthehet fuqishëm më 17 tetor

Prizreni

​Quni: LDK do të rikthehet fuqishëm më 17 tetor

Më: 15 tetor 2021 Në ora: 20:15
Anton Quni.

Lidhja Demokratike e Kosovës (LDK) në Prizren përmbylli sonte fushatën, me synimin për të fituar në zgjedhjet e 17 tetorit kandidati i kësaj partie për kryetar komune, Anton Quni.

Në tubimin me simpatizantë të LDK-së, Anton Quni theksoi se kjo parti të dielën, ditën e mbajtjes së zgjedhjeve, me besimin e qytetarëve do të rikthehet fuqishëm.

Quni: Pasnesër rikthemi fuqishëm

“Sot për zgjedhjet lokale po bëhen 75 ditë që po rrugëtojmë së bashku dhe po e kurorëzojmë me tubimin përmbyllës dhe pasnesër me rikthimin e fuqishëm të LDK-së. Mbi tri dekada në skenën politike patëm ngritje dhe rënie, shkëlqimet dhe zbehjet, por sot po rikthehemi fuqishëm, që është e vërtet ju jeni ushtria më e fuqishme e të gjitha kohërave, ushtria e Ibrahim Rugovës”, tha ai.

Kandidati nga LDK-ja Anton Quni tha se edhe në luftë dhe në paqe i dolën zot vendit për t’ia kthyer dinjitetin Kosovës. Për këtë ai tha se sot edhe një herë po e tregojmë kulturën dhe pjekurinë e tyre shtet-formues për të zgjedhur dhe për të qenë i zgjedhur.

Quni: I dolëm zot vendit në luftë dhe paqe

“Ne i dolëm zot vendit edhe me çmimin e jetës, ne e rindërtuam Kosovën dhe ia kthyem dinjitetin. Në pozitë dhe opozitë i qëndruam afër të gjithë qytetarëve me nevojat dhe shqetësimet e tyre. Krijuam miqësi me botën demokratike, e cila na doli zot për lirinë demokratike dhe pavarësinë. Sot, ne edhe një herë po e tregojmë kulturën dhe pjekurinë shtet-formues për të zgjedhur dhe për të qenë i zgjedhur. Unë së bashku me 45 kandidatë që vijnë nga gjiri i juaj, kërkuam besimin tuaj që të qeverisim me Prizrenin”, tha ai.

Quni edhe gjatë ditës ka pasur disa aktivitete me simpatizantë të kësaj partie në Prizren.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat