Krasniqi në Prizren: Të gjithë e duan ndryshimin

Prizreni

Krasniqi në Prizren: Të gjithë e duan ndryshimin

Më: 10 nëntor 2021 Në ora: 23:14
Memli Krasniqi

Kryetari i PDK-së, Memli Krasniqi ka qëndruar sot në Prizren, ku me kandidatin e kësaj partie për kryetar të Prizrenit, Shaqir Totaj, kanë takuar gratë e kësaj komune, të cilave u kanë premtuar përfshirje më të madhe në vendimmarrje dhe mbështetje për zhvillim në karrierë.

Në një postim në Facebook, Kransiqi shkruan se gratë e Prizrenut e duan ndryshimin, e duan rikthimin e qeverisjes së projekteve të mëdha, prandaj do ta mbështesin Shaqir Totajn dhe PDK-në.

Postimi i plotë i Memli Krasniqit:

Prizrenin edhe pak ditë e ndajnë nga fitorja e madhe e qytetarëve, me Shaqir Totajn kryetar.

Bashkë për Prizrenin nuk është thjesht slogan, është formë qeverisëse, ku qytetari pa dallim do të jetë në qendër, e mbi të gjitha, udhëheqja e komunës do të bëhet nga gratë dhe burrat e Prizrenit.

Përfshirja sa më e madhe e grave në vendimarrje në Prizren, programe konkrete për punësimin e tyre dhe mbështetja e veçantë për zhvillim në karrierë për vajzat, janë disa nga ndryshimet e mëdha që qeverisja e ndershme dhe kompetente e Shaqir Totajt do të sjellë në Prizren.

Sot patëm një takim të veçantë me gra të profesioneve të ndryshme të Kryeqytetit Historik. Të gjitha e duan ndryshimin, e duan rikthimin e qeverisjes së projekteve të mëdha. Kështu, të gjithë duan ta ndalin degradimin në këtë qytet, e bashkë do të punojmë me programin e duhur për Prizrenin, me Shaqir Totajn Kryetar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat