Jep dorëheqje nga Kuvendi Komunal i Prizrenit edhe një anëtar

Prizreni

Jep dorëheqje nga Kuvendi Komunal i Prizrenit edhe një anëtar

Më: 12 shkurt 2022 Në ora: 19:24
Foto ilustrim

Në përbërjen e Kuvendit Komunal (KK) të Prizrenit ka edhe një ndryshim.

Burime të portalit Gazeta e Prizrenit nga KK bëjnë të ditur se kuvendari, Hanefi Muharremi nga LDK, që në zgjedhjet e fundit lokale ishte edhe bartës i listës së këtij subjekti ka dhënë dorëheqje.

Ai do të zëvendësohet nga kandidati i radhës, që ndodhet në listën e pritjes nga LDK, për nga numri i votave, Haziz Hodaj (ish-kuvendar).

Në fakt përbërja e tashme e organit më të lartë të Prizrenit jo vetëm që përbëhet nga disa anëtarë të rinj, të cilët janë ulur për herë në sallën komode të KK-së, por krahasuar me legjislaturat tjera edhe mosha e tyre është më e re.

Ndryshe, të martën që vjen KK do të mbajë mbledhje të jashtëzakonshme për çështjen e miratimit të buxhetit, pas rikthimit ditë më parë të kësaj pike nga ana e MAPL-së, ndonëse ishte miratuar në një nga mbledhjet e kaluara, por pa kaluar në Komitetin për Politikë e Financa (KPF).

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat