Prizren: Sekuestrohen mjetet e rënda të kompanisë që degradoi ambientin

Prizreni

Prizren: Sekuestrohen mjetet e rënda të kompanisë që degradoi ambientin

Më: 30 gusht 2022 Në ora: 12:29
Foto ilustrim

Stacioni Policor Prizren njofton se ka marr informacion që një kompani është duke degraduar ambientin, konkretisht duke nxjerr rërë në bregun e lumit Drini, ne fshatin Romaj të Prizrenit.

Bëhet e ditur se patrullat policore kanë dalë në vendngjarje dhe atje kanë has një kamion dhe një mjet të rëndë ngarkues. Janë informuar inspektorët kompetentë, të cilët e kanë konstatuar gjendjen aktuale dhe të gjithë dokumentacionin ia kanë dorëzuar policisë për veprim të mëtejmë.

Në njoftimin e tyre, policia sqaron se pasi që kanë kontaktuar me prokurorin kujdestar, kanë marr urdhër që mjetet e rënda të cilat janë përdorur për degradim të sekuestrohen, ndërsa kundër të dyshuarit, pronar i kompanisë, është filluar procedurë penale për veprën “Ndotja, degradim apo shkatërrimi i mjedisit”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat