Kryeziu takim me Odën e Avokatëve në Prizren, flasin për sfidat

Prizren

Kryeziu takim me Odën e Avokatëve në Prizren, flasin për sfidat

Më: 25 shkurt 2026 Në ora: 13:51
Foto nga takimi

Çështje të rëndësishme që ndërlidhen me funksionimin e sistemit të drejtësisë, sfidat në punën e përditshme të prokurorëve dhe avokatëve, si dhe nevoja për koordinim dhe komunikim të vazhdueshëm ndërinstitucional kanë qenë temë e takimit që ka pasur kryeprokurori i Prokurorisë Themelore në Prizren, Petrit Kryeziu, me përfaqësues të Odës Regjionale së Avokatëve në Prizren.

“Palët shkëmbyen mendime lidhur me identifikimin dhe zgjidhjen e problemeve të hasura në praktikën e përditshme profesionale, me theks të veçantë në rritjen e efikasitetit dhe avancimin e bashkëpunimit profesional”, thuhet në njoftimin e prokurorisë nga kjo komunë.

Në këtë takim kryeprokurori Kryeziu ka theksuar se bashkëpunimi korrekt dhe profesional ndërmjet Prokurorisë dhe avokatëve është thelbësor për garantimin e një procesi të rregullt ligjor, rritjen e efikasitetit dhe forcimin e besimit të qytetarëve në sistemin e drejtësisë.

“Nga ana e tyre, përfaqësuesit e Odës Regjionale të Avokatëve të Prizrenit shprehën gatishmërinë për thellimin e bashkëpunimit dhe për adresimin e përbashkët të sfidave me qëllim të përmirësimit të funksionimit të sistemit të drejtësisë”, thuhet tutje në njoftim.

Bëhet e ditur se palët u dakorduan që komunikimi dhe takimet të tilla të vazhdojnë edhe në të ardhmen, në funksion të forcimit të partneritetit institucional dhe profesional.

comment Për komente lëvizni më poshtë
Sot mund të lexoni Shfletoni kopertinat