Agjencia amerikane hapësinore e njohur si NASA, ka publikuar imazhet e para mbresëlënëse që janë dërguar në Tokë nga sonda Perseverance që është dërguar në Mars.
Aty shihet roboti duke prekur në tokë gjatë aterimit. Ajo ishte transportuar nga një raketë e cila mjetin me rrota e lëshoi në “tokë”.
Perseverance ka një hapësirë të mjaftueshme për ruajtjen e të dhënave që gradualisht po i dërgon në Tokë.
E në mesin e tyre janë edhe imazhet satelitore që kanë kapur roverin në parashutë në fazën e aterimit. NASA kanë premtuar më shumë gjatë ditëve në vijim.
Aty do të përfshihen video të shkurtra gjatë prekjes në Mars, dhe atë edhe me opsion audio – ku gjithçka do të dëgjohet.
