Balla amendament për rritjen e buxhetit të KPA-së: 60 mln lekë për shpenzime korrente

Shqipëria

Balla amendament për rritjen e buxhetit të KPA-së: 60 mln lekë për shpenzime korrente

Më: 25 nëntor 2021 Në ora: 12:28
Taulant Balla

Kreu i Grupit Parlamentar Socialist, Taulant Balla ka depozituar në parlament një amendament për rritjen e buxhetit të Kolegjit të Posaçëm të Apelimit.

Ndërkohë që në parlament pritet të miratohet buxheti 2022, Balla tha se Kuvendi që nga viti 2016 ka miratuar çdo kërkesë të ardhur nga institucionet e reja të drejtësisë. Amendamenti ka të bëjë me shtimin e 60 mln lekëve për shpenzime korrent.

“Amendamenti që kam depozituar është saktësim i një diskutimi në komisionit e ekonomisë dhe ka të bëjë me një qasje që Kuvendi e ka pasur. Që prej 2016 Kuvendi ka mbështetur kërkesat që kanë ardhur nga institucionet e reja të krijuara në sistemin e Drejtësisë për t’i mbështetur kërkesat e tyre për një buxhetim sa më adekuat të aktivitetit të tyre.

Ka të bëjë me një kërkesë që ka ardhur nga Komisioni i Posaçëm i Apelimit dhe nga Misioni Ndërkombëtar i Monitorimit, ku të dyja së bashku kanë kërkuar në funksion të përshpejtimit të punës nga ana e Komisionit të Posaçëm te Apelimit ka kërkuar një shtesë në buxhet për të rritur kapacitet e tyre për burimet njerëzore në mbështetje të vlerësimit që bën ky mision. Ju ftoj ta votoni këtë amendament”,
deklaroi Balla

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat