Facebook synon investim multimiliardësh në Reliance Jio - Bota Sot
Facebook synon investim multimiliardësh në Reliance Jio

Teknologji

Facebook synon investim multimiliardësh në Reliance Jio

Më: 25 mars 2020 Në ora: 08:17
Facebook

Facebook është në bisedime për të blerë aksione multimiliard dollarëshe në kompaninë dixhitale të Mukesh Ambani, Reliance Jio për të zgjeruar praninë e saj në tregun dixhital Indian, thuhet sipas dy personave me njohuri në diskutimet mes dy gjigantëve, raporton FT.

Gjiganti i teknologjisë nga Silicon Valley ishte afër nënshkrimit të një marrëveshje paraprake e cila do t’ia mundësonte rrjetit më të madh social në botë të përvetësojë rreth 10 përqind të Reliance Jio. Mirëpo sipas burimeve, negociatat u ndërprenë për shkak të ndalimeve globale të udhëtimit që janë zbatuar që nga shpërthimi i koronavirusit.

Që prej fillimit të Jio në vitin 2016, Reliance ka dalë si e vetmja kompani indiane e cila është e aftë të konkurrojë me grupet e teknologjisë amerikane në tregun indian, duke u zgjeruar nga telekomunikacioni në gjithçka që lidhet me bizneset e bazuara në internet, madje edhe deri tek shtëpitë dhe tregtia elektronike.

Analistët në Bernstein e vlerësuan Jio si kompani që vlen më shumë se 60 miliardë dollarë.

Google kishte qenë gjithashtu e angazhuar në bisedime të ndara me Reliance Jio. Diskutimet vijnë pasi Microsoft vitin e kaluar njoftoi për planet për t’u bërë partner me Jio për të ofruar cloud computing për bizneset.

Sot mund të lexoni Shfletoni kopertinat