Qendra për Shëndet Publik Tetovë do të përpunojë PCR teste për rajonin e Pollogut

Tetova

Qendra për Shëndet Publik Tetovë do të përpunojë PCR teste për rajonin e Pollogut

Më: 19 maj 2021 Në ora: 18:38
Foto ilustrim

Qendra për Shëndet Publik Tetovë njoftoi se për herë të parë në Tetovë dhe në rajonin e Pollogut do të funksionojë laboratori e re ku do të përpunohen PCR testet për coronavirus, ndërsa laboratoria e re udhëhiqet nga mikrobiologjia, Fatime Dauti dhe po ashtu është i angazhuar edhe mjeku specialist Mumin Selmani.

“Laboratoria ka pajisjet më bashkëkohore me brendet më të mira që janë pranuar në gjithë botën në luftën kundër pandemisë së COVID-19 dhe po ashtu ka kuadër të trajnuar. Laboratoria mikrobiologjike dhe diagnostika molekulare në Tetovë, si laboratori shtetërore do të punojë me teste më bashkëkohore PCR që zbulojnë 4 lloje të virusit COVID-19”, tha mjeku Mumin Selmani.

Ai shton se qytetarët e Tetovës dhe rajonit të Pollogut do të mund të testohen në këtë laboratori me shumë siguri dhe besim, ndërsa laboratoria ka filluar me punë më 17 maj.

“Përpunimi i PCR testeve në bashkëpunim me Fondin për Sigurim Shëndetësor do të zhvillohet përmes caktimit të terminit nga mjekët amë, ndërsa në anën tjetër do të përpunohet edhe strishot nga Repartet epidemiologjike në Tetovë dhe Gostivar që punojnë pa ndalë gjatë gjithë javës, ndërsa më herët janë dërguar në ISHP Shkup”, sqaron Selmani.

Shfaq komentet
comments powered by Disqus
Sot mund të lexoni Shfletoni kopertinat