Bordi i Federatës së Volejbollit të Kosovës, sot në orët e vona të pasdites mbajti mbledhjen dhe mori disa vendime.
“Bordi i FVK-së, sot ka mbajtur mbledhjen e rregullt të radhës. Në mbledhje kryesisht u diskutua për mundësinë dhe mënyrën e vazhdimit të garave të ndërprera për shkak të pandemisë Covid-19.
Pas diskutimeve anëtarët u dakorduan që vendimi përfundimtar për vazhdimin, mënyrën dhe datën e vazhdimit të merret gjatë mesjavës së ardhshme.
Federata e Volejbollit kërkon nga të gjitha klubet që të respektojnë të gjitha vendimet dhe masat e institucioneve shëndetësore, në lidhje me mbrojtjen nga COVID-19. Në shpresojmë dhe urojmë, që shumë shpejt të gjithë së bashku, të ju kthehemi aktiviteteve dhe lojës më të bukur të volejbollit!”, njofton FVK.
