Ushtruesja e detyrës së presidentit, njëherësh edhe kryetarja e Kuvendit të Kosovës, Vjosa Osmani ka thënë se është njoftuar se uebfaqja zyrtare e Kuvendit te Republikës së Kosovës në Facebook ka transmetuar aktivitetin partiak të Partisë Demokratike të Kosovës në Podujevë.
Lidhur me këtë, Osmani ka kërkuar nga Sekretari i Përgjithshëm i Kuvendit që të ndërmerren masa urgjente për të rast.
“Kjo përbën shkelje të autorizimeve zyrtare të personave përgjegjës që mirëmbajnë faqen zyrtare të Kuvendit në Facebook”, thuhet në reag8imin e Osmani.
Reagim i Kryetares së Kuvendit, dr. Vjosa Osmani:
Sapo jam njoftuar se uebfaqja zyrtare e Kuvendit te Republikës së Kosovës në Facebook ka transmetuar aktivitetin partiak të Partisë Demokratike të Kosovës në Podujevë. Kjo përbën shkelje të autorizimeve zyrtare të personave përgjegjës që mirëmbajnë faqen zyrtare të Kuvendit në Facebook.
Kam kërkuar nga Sekretari i Përgjithshëm i Kuvendit që të ndërmerren masa urgjente ndaj kujtdo që ka keqpërdorur autorizimet zyrtare dhe kanë dëmtuar rëndë imazhin e institucioni të Kuvendit.
