Çka tha Bob Dole në vizitën e tij të parë në Kosovë? Flet ish-ambasadori i Kosovës

Aktuale

Çka tha Bob Dole në vizitën e tij të parë në Kosovë? Flet ish-ambasadori i Kosovës

Më: 6 dhjetor 2021 Në ora: 18:48
Bob Dole

Ish-ambasadori i Kosovës në Shtetet e Bashkuara Avni Spahiu, ka kujtuar viziten e parë të senatorëve të Shteteve të Bashkuara të Amerikës.

Ai në emisionin Info Magazine tha se në atë kohë senatori Bob Dole, në fjalimin e tij ishte i shkurtër duke thënë se gjendja e cila mbretëronte dhe shkeljet e të drejtave të njeriut që bëheshin nga okupatori serb ishin të papranueshme.

“Në fjalën e tij të rastit senatori Bob Dole, ishte shumë i shkurtër duke thënë se ata ishin këtu për të parë atë që po ndodhte në Kosovë. Dhe nga kjo se çka kishte parë dhe dëshmuar kjo gjendje nuk është e pranueshme dhe se këto do të ngriteshin në Kongresin Amerikane”.

Spahiu theksoi se kërkesat kryesore të liderëve të atëhershëm të Kosovën ishin: Liri, Pavarësi dhe Demokraci.

“Kanë qenë kërkesa të gjitha të njëzëshme. Liderët paraqiten pikëpamjet e tyre për atë se çka po ndodhte në Kosovë dhe paraqiten kërkesat e tyre tashmë të njohura si: Liri, Pavarësi, Demokraci.

Sipas tij lidershipi i vendit tonë i ofruan senatorëve dëshmi të gjalla lidhur me atë se çka po ndodhte në Kosovë.

Kryetari Rugova, pastaj doktor Qosja, Adem Demaçi, pastaj Fehmi Agani, dhe Veton Surroi nga Këshilli i të Drejtave të Njeriut, ju ofruan dëshmi të gjalla senatorëve amerikanë lidhur me atë se çka po ndodhë në Kosovë”.

Bob Dole, vdiq dje në moshën 98 vjeçari.

Dole ishte mik i madh i Kosovës i cili ndihmoi vendin tonë për liri dhe pavarësi.

Ai e vizitoi për herë të parë Kosovën më gusht të vitit 1990-të.

Misioni i tij ishte për të mbledhur dëshmi për gjendjen e cila mbretëronte në atë kohë në Kosovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat