Shtrenjtimi i rrymës/ Deliu kritikon Kurtin: Ikja nga përgjegjësia i është bërë e zakonshme

Aktuale

Shtrenjtimi i rrymës/ Deliu kritikon Kurtin: Ikja nga përgjegjësia i është bërë e zakonshme

Nga: A.SH Më: 17 janar 2022 Në ora: 17:48
Blerta Deliu

Deputetja e PDK-së, Blerta Deliu, ka reaguar për dokumenti e publikuar lidhur me tarifat e reja të energjisë elektrike.

Ajo ka kritikuar kryeministrin Albin Kurti, duke thënë se ai, tani që është bërë Kryeministër, po ik nga përgjegjësia.

“Ditën kur z. Kurti u ka thënë qytetarëve se "nuk ka zgjidhje të mirë: ose reduktime të energjisë, ose shtrenjtim të energjisë" ka hequr dorë nga detyra e tij për t'iu shërbyer atyre”, shkroi ajo.

Postimi në Facebook:

Dokumenti zyrtar i publikuar në medie lidhur me tarifat e reja të energjisë elektrike, pas shtrenjtimit të saj, dëshmon se si do të vështirësohet jeta e ekonomive familjare dhe bizneseve në vendin tonë.

Albin Kurti, kur ishte në opozitë i fajësonte Qeveritë për shtrenjtimin e energjisë elektrike. Ai akuzonte se është Qeveria ajo që ka fajin dhe përgjegjësinë për vështirësimin e jetës së qytetarëve. Por, tani që është bërë Kryeministër, ikja nga përgjegjësia i është bërë e zakonshme.

Ditën kur z. Kurti u ka thënë qytetarëve se "nuk ka zgjidhje të mirë: ose reduktime të energjisë, ose shtrenjtim të energjisë" ka hequr dorë nga detyra e tij për t'iu shërbyer atyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat