Ushtaraku shqiptaro-amerikan, Kurtit: Shkarko këshilltarët dhe formo një kabinet të ri, kot shkoni në Bruksel!

Aktuale

Ushtaraku shqiptaro-amerikan, Kurtit: Shkarko këshilltarët dhe formo një kabinet të ri, kot shkoni në Bruksel!

Nga: A.ZH Më: 12 gusht 2022 Në ora: 01:08
Albin Kurti, Aleksandar Vuçiq; foto ilustrim nga "Bota sot"

Ushtaraku shqiptaro-amerikan Muharrem Maralusha, i ka reaguar kryeministrit Albin Kurti, për deklaratat e tij se Kosova është e gatshme t’i përballojë sulmet e Serbisë kundër saj.

Maralusha i ka quajtur “papjekuri” këto deklarata të kryeministrit, duke dhënë dy këshilla për të.

Ai i ka kërkuar Kurtit, që të formojë një kabinet të ri qeveritar, përcjell Bota sot.

“Albin Kurti, me deklaratat e tij të djeshme se Kosova është e gatshme me i përballuar sulmet e Serbisë kundër saj, tregoi papjekuri. Shumë naive dhe pa u konsultuar me ne (me autoritetet e (SHBA-së).

Albini, sipas mendimit tim, është si ai qingji me brinat e tamlit (brinat që i dolën para disa ditëve, i thotë vetes se është më i gatshëm me i ra murit me gjithë fuqinë që e ka).

E kam një këshillë për Albinin: Shkarkoi të gjithë këshilltarët dhe formoje një kabinet të ri. Dhe një këshillë tjetër të vogël: kot shkoni në Bruksel me 18 gusht. Vuçiqi nuk ka ndryshuar aspak. Vuçiqi po e kërkon Kosovën dhe asgjë më pak”, ka shkruar Maralusha në një postim në Facebook./BS

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat