“Neveritëse, sikur të dilte nga goja e një anti-shqiptari”, publicisti i reagon ministrit Osmani për tensionet në veri

Aktuale

“Neveritëse, sikur të dilte nga goja e një anti-shqiptari”, publicisti i reagon ministrit Osmani për tensionet në veri

Nga: A.ZH Më: 13 gusht 2022 Në ora: 09:09
Ramazan Bekteshi

Publicisti shqiptar, Ramazan Bekteshi, i ka reaguar ministrit të Jashtëm të Maqedonisë së Veriut, Bujar Osmanit, lidhur me deklaratën e tij për situatën në veri të Kosovës.

Bekteshi ka thënë se deklarata e Osmanit është neveritëse dhe sikur të dilte nga goja e një anti-shqiptari, pasi sipas tij, ai nuk fajëson kërcënuesin e tensioneve, por barazon viktimën me agresorin, përcjell Bota sot.

Teksa ka krahasuar Osmanin me ish-emisarin amerikan për dialogun Richard Grenell, Bekteshi ka pyetur se si do të veprojë BDI-ja pas “kësaj hileje”.

“Deklarata e fundit e Bujar Osmanit për Kosovën nuk dallon nga Grenell, si do të veprojë BDI pas kësaj hileje të radhës?!

Deklarata e Ministrit për Punë të Jashtme i MV Bujar Osmanit , për situatën në veri të Kosovës është neveritëse, sikur të dilte nga goja e një antishqiptari. Ai nuk fajëson kërcënuesin dhe shkaktarin e tensioneve, por duke kërkuar përmbajtje nga të dy anët, ai e barazon viktimën me agresorin, ai harron se Kosova është e pavarur dhe ka të drejtë për reciprocitet. Tani lind pyetja a qëndron partia, BDI (pas këtyre deklaratave poshtëruse), a do të marr partia masa, sepse ky është zgjedhur me votë shqiptare. Çka po ndodh me partinë shqiptare në pushtet, ajo është shndërruar në një memece për të drejtat e shqiptarëve, por shumë e artikulueshme si me Ballkanin e Hapur, poashtu edhe me deklarata që e lëndojnë fort Kosovën. A është ky fundi apo fillimi i punës në krahë të djallit!”, ka shkruar Bekteshi në një postim në Facebook.

Osmani ka mirëpritur uljen e tensioneve pas vendimit të Qeverisë së Kosovës për të shtyrë deri në shtator zbatimin e reciprocitetit ndaj Serbisë për çështjen e targave dhe dokumenteve.

“Ne po përcjellim situatën në veri të Kosovës me interes të madh, duke mirëpritur depërshkallëzimin. Ne inkurajojmë Kosovës dhe Serbinë në linjë me qëllimet e fqinjësisë së mirë dhe vlerave europiane që të ruajë atë që është arritur në besim të mirë, duke marrë në konsideratë kontekstin e brishtë gjeopolitik”, ka thënë Osmani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat