Ramabaja: Opozita drejtohet nga sharlatanë, ca analistë po bëjnë thirrje të kukuvajkave

Aktuale

Ramabaja: Opozita drejtohet nga sharlatanë, ca analistë po bëjnë thirrje të kukuvajkave

Më: 6 dhjetor 2022 Në ora: 10:31
Sadri Ramabaja

Sadri Ramabaja, ka shkruar një artikull të gjatë, i titulluar “Lufta hibride serbe e vazhdueshme dhe sharllatanizmi i opozitës serbe”, ku kritikon opozitën, duke theksuar se ajo drejtohet nga sharlatanë.

Duke folur për mënyrën se si pushteti në Serbi po i referohet kryeminstrit Albin Kurti me epitete politikisht jokorrekte, z. Ramabaja thekson se “një mentalitet” i tillë, pra si ai serb, është përvijuar edhe në opozitën e Kosovës.

“Në fund të prononcimit për një tv serb Vuçiqi krejtësisht i qatrafillosur këlthet: “Qëndrim i mjerë, antiserb, të cilin e treguan, sepse atë që ka bërë koka e terroristit Albin Kurti…” nuk e paskan dënuar! Prandaj paralajmron plot mllef se nuk do të udhëtojë për Tiranë më 6 dhjetor, ku do të mblidhen liderët e vendeve të Bashkimit Evropian dhe ata të Ballkanit Perëndimor.

Këtë mentalitet e kanë përvijuar jo pa sukses edhe në qarqet e një lagjeje të opozitës sonë që dominohet nga drejtues sharllatan.”

Tutje, z. Ramabaja ka kritika edhe për kolegët e tij të universit të analistëve politik.

“Lufta e Serbisë në Kosovë derisa ka ngelë e pandëshkuar, jo vetëm sa ka ndërruar formë dhe bëhet në hapësira të tjera nga fushëbetejat. Prandaj thirrjet-kukuvajka të ca analistëve në studiot tona se “ne kemi fituar Republikën, por edhe Serbia duhet të fitojë diçka” janë produkt i kësaj lufte speciale që po vazhdon me mjete tjera nga ato të fushbetejës.” – shtoi z. Ramabaja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat