Katër persona janë lënduar pasi një zjarr shpërtheu një aeroplan të mbushur me pasagjerë në Korenë e Jugut – disa javë pasi një tjetër katastrofë aeroplani në Korenë e Jugut la 179 të vdekur.
Pamjet e tmerrshme tregojnë flakët dhe tymin që burojnë nga Airbus në aeroportin ndërkombëtar Gimhae në Busan, ndërsa pasagjerët përpiqen të dalin nga aeroplani.
Ndonëse fillimisht nuk u raportua për viktima, shërbimet zjarrfikëse kanë konfirmuar se katër pasagjerë kanë pësuar lëndime jo të rrezikshme për jetën – teksa po luftonin për të frenuar zjarrin që shpërtheu në bishtin e aeroplanit sot.
Aeroplani i Air Busan shpërtheu në flakë rreth orës 22:26 me orën lokale, duke detyruar 169 pasagjerë dhe shtatë anëtarë të ekuipazhit në bordin e fluturimit për në Hong Kong, të evakuohen në një rrëshqitëse të fryrë me ajër.
Shërbimet e urgjencës thanë se zjarri filloi pak çaste para nisjes dhe u përhap me shpejtësi në trupin e aeroplanit.
Ndërsa shërbimet e urgjencës besojnë se të gjithë 176 personat në bord u shpëtuan, ata thanë se ishin ende në kërkim të njerëzve brenda aeroplanit ‘për çdo rast’.
Zjarrfikësit kanë mbërritur në vendngjarje në orën 22:34 dhe kanë fikur plotësisht zjarrin në orën 23:31.
Aeroplani është një model Airbus A321, sipas të dhënave të gjurmimit të FlightRadar23.
Prodhuesi i aeroplanëve Airbus tha se është në dijeni të raporteve në lidhje me incidentin, dhe se është duke u lidhur me Air Busan.
Linja ajrore Air Busan është pjesë e Asiana Airlines, e cila në dhjetor u ble nga Korean Air.
