Izraeli njoftoi se do të rihapë kalimin e vetëm kufitar mes Bregut Perëndimor dhe Jordanisë.
Kjo pikë kufitare u mbyll të premten e kaluar, pasi një shofer që po transportonte ndihma humanitare nga Jordania drejt Gazës hapi zjarr dhe vrau dy ushtarë izraelitë që ndodheshin aty. Izraeli e hapi kalimin për pak kohë të hënën, por të martën e mbylli përsëri për një kohë të pacaktuar.
Sipas Drejtoria së Përgjithshme të Sigurisë së Jordanisë, kalimi do të hapet për udhëtarët nesër. Megjithatë, nuk u dha asnjë informacion mbi lejen për kalimin e mallrave.
Kalimi Allenby/Karama është arteria kryesore rrugore për banorët e Bregut Perëndimor që udhëtojnë jashtë vendit dhe përdoret gjithashtu nga tregtarët që transportojnë mallra drejt Jordanisë dhe e anasjellta.
Sipas autoriteteve izraelite vendimi për hapjen e pjesshme të kalimit u mor në bazë të “udhëzimeve nga instancat politike”.
Kamionët që transportojnë ndihma për në Rripin e Gazës, të cilët zakonisht kalojnë nga kjo pikë kufitare, nuk do të lejohen të kalojnë sipas udhëzimeve aktuale.
