Temperaturat janë rritur në Grenlandë kohët e fundit, tha të mërkurën Instituti Meteorologjik Danez, në përputhje me tendencat e ngrohjes që ekspertët kanë lidhur me ngrohjen globale, raporton France24.
Në kryeqytetin Nuuk, merkuri arriti 13 Celsius (55 Fahrenheit) më 20 dhjetor, krahasuar me -5.3C që është mesatarja për këtë periudhë të vitit.
Në Qaanaaq në veri, temperaturat arritën në 8.3C, kur mesatarja sezonale është zakonisht -20.1C, tha DMI.
DMI nuk tha nëse temperaturat e regjistruara kishin thyer rekordet e vendosura në ishull.
"Një nga arsyet pse ne po shohim temperatura të larta është fenomeni meteorologjik foehn," një erë e ngrohtë që është e zakonshme në ishullin më të madh në botë, i tha AFP-së në një email klimatologia e DMI Caroline Drost Jensen.
“Është pak e pazakontë që po ndodh në të njëjtën kohë në një territor kaq të gjerë dhe për kaq gjatë”, tha ajo.
