Shkon në 6,326 numri i të vdekurve në Turqi dhe Siri

Bota

Shkon në 6,326 numri i të vdekurve në Turqi dhe Siri

Më: 7 shkurt 2023 Në ora: 19:28
Foto ilustrim

Të paktën 6,326 njerëz në të gjithë Turqinë dhe Sirinë kanë vdekur nga tërmeti me magnitudë 7.8 që goditi rajonin të hënën.

Numri i të vdekurve është rrit në 4,544 në Turqi të martën, ku u prekën 10 provinca, sipas Agjencisë së Menaxhimit të Fatkeqësive dhe Emergjencave të Turqisë (AFAD), raporton CNN.

Numri i të vdekurve në Siri është më shumë se 1782: Më shumë se 970 njerëz kanë vdekur në zonat e kontrolluara nga opozita, sipas Helmetave të Bardha të Sirisë, e cila njihet edhe si Mbrojtja Civile e Sirisë. Në zonat e kontrolluara nga qeveria, numri i të vdekurve është 812, sipas agjencisë shtetërore të lajmeve SANA.

Të paktën 30,474 persona janë plagosur në të dy vendet, sipas shifrave nga qeveria turke, Helmetat e Bardha dhe media shtetërore siriane.

comment Për komente lëvizni më poshtë
Sot mund të lexoni Shfletoni kopertinat