Imazhe të shumta po qarkullojnë të cilat thuhet se tregojnë Moskën pas një sulmi me dron që dyshohet se është orkestruar nga Ukraina, sipas Rusisë.
Nuk pati raportime për vdekje, por kryebashkiaku i Moskës, Sergei Sobyanin tha se dy persona u plagosën, njëri prej të cilëve u shtrua në spital, në sulmin e hershëm në mëngjes.
Siç thuhet më tej, disa banorë u evakuuan por më vonë u kthyen në apartamentet e tyre.
Ndryshe, Ukraina ka thënë se nuk ishte e përfshirë drejtpërdrejt në një sulm me dron në Moskë këtë mëngjes.
Por ajo “po kënaqet duke e parë atë” dhe parashikon një rritje të sulmeve të tilla, tha një ndihmës i presidentit ukrainas.
Ndryshe, Rusia tha se Ukraina kishte nisur sulmin e saj më të madh deri më tani me dron në Moskë, por se mbrojtja ajrore shkatërroi të tetë dronët.
Duke iu përgjigjur sulmit, këshilltari presidencial ukrainas Mykhailo Podolyak tha për kanalin “Breakfast Show” në YouTube: “Lidhur me sulmet: sigurisht që ne jemi të kënaqur të shikojmë dhe parashikojmë një rritje të numrit të sulmeve”.
