Presidenti rus, Vladimir Putin, ka deklaruar se pret “përfitime të mëdha” nga takimi trepalësh me Xi Jinpingun dhe Donald Trumpin, përcjell Bota sot.
Por, për Kremlinin, ky takim tashmë konsiderohet i dobishëm. Disa gazeta ruse e kanë cilësuar samitin e nesërm si një “fitore diplomatike” për Putinin, vetëm për faktin se ai po mbahet.
Pas pushtimit të plotë të Ukrainës nga Rusia në vitin 2022, Putini u konsiderua kryesisht i izoluar ndërkombëtarisht, ndërsa liderët perëndimorë përpiqeshin ta mbanin Moskën larg skenës diplomatike.
Por, në vitin 2026, ai do të ulet në të njëjtën tryezë me liderët e dy fuqive më të mëdha botërore, SHBA-së dhe Kinës.
Pavarësisht rezultateve konkrete që mund të sjellë ose jo ky takim, për liderin rus kjo përfaqëson një rrugë të gjatë nga izolimi diplomatik i viteve të mëparshme.
Kjo, ndërkohë që Putini nuk ka bërë asnjë kompromis për Ukrainën. Moska vazhdon të refuzojë një marrëveshje gjithëpërfshirëse për armëpushim dhe po vazhdon luftën kundër vendit fqinj.