​Shefi i misionit të FMN-së për Kosovën vizitoi ATK-në

Ekonomi

​Shefi i misionit të FMN-së për Kosovën vizitoi ATK-në

Më: 12 maj 2022 Në ora: 17:09
Foto ilustrim

Drejtori i ATK-së Ilir Murtezaj priti sot në takim një mision të Fondit Monetar Ndërkombëtar, i cili ndodhet për vizitë në Kosovë, për të diskutuar mbi performancën e të hyrave për vitin 2022.

Ekipi i FMN-së përbëhej nga Gabriel Di Bella, shef i misionit të FMN-së për Kosovën, si dhe ekipi i FMN-së në Kosovë. 

Murtezaj njoftoi Di Bella mbi performancën e të hyrave të ATK-së, e cila deri në prill 2022 ka rezultuar me të hyra prej 269.4 milionë euro, që paraqet një rritje 34.1% krahasuar me vitin e kaluar. 

Shefi i misionit të FMN-së për Kosovën u shpreh se janë të kënaqur me performancën e të ardhurave, si dhe me progresin në zbatimin e rekomandimeve të asistencës teknike të FMN-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat