ATK-ja po punon për vjeljen e tatimeve nga sektori i ndërtimtarisë

Ekonomi

ATK-ja po punon për vjeljen e tatimeve nga sektori i ndërtimtarisë

Më: 27 maj 2022 Në ora: 11:41
Foto ilustrim

Administrata Tatimore e Kosovës (ATK) ka bërë të ditur të premten se po vazhdon të implementohet plani për përmirësimin e përmbushjes në sektorin e Ndërtimtarisë.

Përmes të cilit do të identifikohet veprimtaria ndërtimore, siç është ndërtimi i lartë dhe i ulët, grupet punuese dhe personat fizikë në kuadër të veprimtarisë së ndërtimtarisë.

Sipas njoftimit do të bëhet identifikimit i muratorëve, armaturë punuesve, betonuesve gërmimeve të dheut, punuesit e kulmeve, prodhuesit dhe montuesit e dyerve dhe dritareve, elektricistët, instaluesit e ujit dhe ngrohjes qendrore, montuesit e parketit/laminatit, montuesit e qeramikës, suvatuesit – fasada, prodhuesit dhe montuesit e olluqeve, rrethojave të ballkoneve, shkallëve dhe rrethojave të oborreve nga metalet e ndryshme dhe druri, etj.

“Në fokus të veçante po ashtu do të jenë edhe personat fizik që kanë dhënë token për ndërtim (kompensimet, banesa, lokale, parkingje) dhe ndërlidhja me obligimin e tyre tatimor”, thuhet në njoftimin e ATK-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat