​OAK takohet me Odën Ekonomike të Malit të Zi, dakordohen për projekte të përbashkëta

Ekonomi

​OAK takohet me Odën Ekonomike të Malit të Zi, dakordohen për projekte të përbashkëta

Më: 3 qershor 2022 Në ora: 10:06
Foto nga takimi

Me qëllim të njoftimit reciprok, krijimit të linjave të komunikimit mes tyre e ndërlidhjen dhe rritjen e bashkëpunimit në fushat me interes të përbashkët, Oda e Afarizmit të Kosovës u takua me Odën Ekonomike të Malit të Zi, në Podgoricë.

Me këtë rast, kryetari i OAK-së Skënder Krasniqi, falënderoi për pritjen dhe uroi Nina Drakiqin për përzgjedhjen e saj si presidente e Odës Ekonomike të Malit të Zi, duke shprehur gatishmëri për bashkëpunim të ngushtë mes të të dy odave në fushat me interes reciprok.

Në kuadër të këtij takimi njoftues, palët u dakorduan për organizime e aktivitete të përbashkëta me qëllim të ndërlidhjes së bashkëpunimit mes bizneseve që të dy odat përfaqësojnë, si dhe implementimin e ideve dhe projekteve konkrete në këtë drejtim në mënyrë që të kemi një bashkëpunim më të madh me vendet në rajon.

Presidentja Drakiq falënderoi kryetarin Krasniqi dhe përfaqësuesit e OAK-së për vizitën, dhe uroi që ky takim të jetë vetëm fillimi i bashkëpunimit të ngushtë mes të të dy odave. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat