Dhoma e Tregtisë përgëzon ministrin Faton Peci për punën dhe kërkon rritje të bashkëpunimit

Ekonomi

Dhoma e Tregtisë përgëzon ministrin Faton Peci për punën dhe kërkon rritje të bashkëpunimit

Më: 27 korrik 2022 Në ora: 16:19
Foto ilustrim nga vendi i ngjarjes

Dhoma e Tregtisë dhe Industrisë Kosovë gjatë një takimi sot me ministrin e Bujqësisë Faton Peci kanë biseduar për krijimin e produkteve strategjike, të cilat do të kontribuonin në krijimin e sasisë dhe rritjes së eksportit, krijimin e një strategjie afatmesme dhe afatgjatë për bujqësinë.

Dhoma e Tregtisë theksoi që me krijimin e produkteve strategjike do të ndikonte pozitivisht në krijimin e sasisë dhe rritjen e potencialeve për eksport.

Po ashtu temë diskutimi e këtij takimi ishin ndryshimi i disa udhëzimeve administrative, subvencionimi i produkteve bujqësore të bëhet për sasi në të gjitha produktet, Ligji për bujqësi dhe zhvillim rural e Ligji për pyjet, e gjetja e një formule në mënyrë që sektori i bujqësisë të funksionojë siç duhet meqenëse Kosova ka kapacitet të madh për plasimin e produkteve të bujqësisë organike.

Çështje tjetër e diskutimit ishte rajonalizimi i zonave bujqësore, e cila do të ndikonte në skemat e granteve dhe subvencioneve e cila u cilësua si një nga çështjet prioritare nga të dyja palët.

Ndërsa sa i përket skemës së granteve dhe subvencioneve u theksua që me rajonalizimin e zonave do të ishte më i lehtë edhe orientimi i tyre në kultura të ndryshme sipas zonave të caktuara. Ndërsa që subvencionimi i mishit të pulës u cilësua shumë i nevojshëm në skemat e radhës.

Gjithashtu, u theksua edhe garancioni i dyfishtë bankar që disa biznese janë të obliguara ta paguajnë duke përfshirë APK dhe KPMM.


Ministri Faton Peci tha se shumica e çështjeve të ngritura nga Dhoma e Tregtisë Kosovë janë prioritet i programit të tij në këtë fushë, andaj janë duke punuar në këtë drejtim që sipas analizave të thella shkencore të kenë mundësi që të bëjnë edhe propozime konkrete e implementime në të mirë të sektorit të bujqësisë.

Dhoma e Tregtisë falënderoi ministrin Faton Peci për fillimin e subvencionimit në bazë të rendimentit për disa kultura bujqësore, duke qenë i pari që e praktikon këtë dhe Kosova për herë të parë subvencionon në bazë të sasisë dhe jo sipërfaqes, e cila është kërkesë e kahmotshme e Dhomës së Tregtisë, duke kërkuar që kësaj liste t’i shtohen edhe produktet e tjera.

Në fund të takimit të dy institucionet u dakorduan për rritjen e aktiviteteve të përbashkëta në të ardhmen. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat