​ATK aksion në 6 rajone, grumbullon 700 mijë euro borxhe

Ekonomi

​ATK aksion në 6 rajone, grumbullon 700 mijë euro borxhe

Më: 30 shtator 2022 Në ora: 19:25
Foto ilustrim

Administrata Tatimore ka vazhduar me aktivitetin e konfiskimit ndaj subjekteve biznesore, të cilët kanë borxhe të papaguara, ku si rezultat janë inkasuar borxhe në vlerën mbi 700 mijë euro.

Ky aktivitet është realizuar në regjionin e Prishtinës, Ferizajt, Gjakovës, Mitrovicës, Prizrenit dhe Gjilanit. 

Në kuadër të këtij aksioni mbledhësit tatimor, ATK bëri të ditur se ka mbyllur dhe sekuestruar prona të bizneseve për mos pagesë tatimit, ndërsa paralajmëroi se të njëjta aktivitetet të mbledhjes së detyrueshme do të vazhdojnë edhe në ditët në vijim.

“Administrata Tatimore i njofton të gjithë tatimpaguesit që kanë obligime të papaguara, të kontaktojnë Departamentin e Mbledhjes së Detyrueshme dhe të paguajnë detyrimet tatimore, në mënyrë që të mos ballafaqohen me masa të konfiskimit”, thuhet në komunikatën e ATK-së.

ATK gjithashtu ka ftuar tatimpaguesit që të jenë bashkëpunues në pagesën e borxheve të tyre, si dhe të njoftohen për mundësit që ofron Ligji për Administratën Tatimore dhe Procedurat në pagesën e borxheve tatimore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat