Presidenti i SHBA-ve së shpejti do të takohen Gjenevë me homologun e tij rus.
Biden dhe Putin kanë zgjedhur Zvicrën për samitin e tyre të parë.
Sfidat dhe temat e takimit do jenë, sa të larmishme po aq edhe të vështira. Të dy krerët e shteteve, marrëdhëniet e të cilëve janë mjaft të tensionuara, jo vetëm pse presidenti amerikan Putinin e kishte quajtur si një “vrasës” por edhe për shume probleme tjera mes veti përballë krizave në botë, duke përfshirë këtu edhe atë në Ballkan, ne veçanti Kosovën.
Nga ky samit botëror të dy burrështetasve, një gjë është e sigurt, se bota pas 16 qershorit nuk do të jetë më si kjo deri më sot, por më e mirë ose më e keqe, shkruan analisti i gazetës zvicerane në shqip Le Canton27.ch Nefail Maliqi, njohës i mirë i marrëdhënieve ndërkombëtare.
Me 16 qershor bashkë me motin e ditëve të verës, pritet edhe situate e nxehte mes Uashingtonit dhe Moskës. Dy jave para takimit te Biden-Ptuin, pista e Gjenevës ka nisur të nxehet.
Gjeneva, ashtu si në vitin 1985 do të jetë në epiqendër të botës, koha e një samiti midis dy superfuqive. Një efekt imazhi i mirëpritur për Gjenevën ndërkombëtare e cila ka vuajtur nga pasojat e kovidit. Si gati 36 vjet më parë, vendtakim po përgatitet të presë presidentët e dy prej kombeve më të fuqishëm në botë. Do të jetë më 16 qershor.
Aktualisht ka pak informacione zyrtar se si dhe ku do të zhvillohet dita e 16 qershorit. Takimet e para midis protokollit të Gjenevës dhe Departamentit Federal të Punëve të Jashtme (DFAE/EDA) në funksion të këtij samiti kane filluar qysh tani dy jave para takimit.
Para se të konfirmohej, pista e Zvicrës kishte disa arsye për tu marrë shumë seriozisht. Së pari, zyrtarët e lartë të Shtëpisë së Bardhë nuk hezituan ta konfirmojnë atë “jashtë” për disa media amerikane. Pastaj, Zvicra vlerësohet për neutralitetin e saj dhe Gjeneva, një mori organizatash ndërkombëtare, organizoi në 1985 takimin e parë midis Ronald Reagan dhe Mikhail Gorbaçov. Diplomacia zvicerane ka qenë gjithashtu shumë aktive që nga prilli. Ministri i Jashtëm Ignazio Cassis, në disa raste, veçanërisht përmes Ambasadorit të vendosur në Uashington Jacques Pitteloud, ka propozuar Zvicrën si një vend takimi për mesin e qershorit, kur Joe Biden do të jetë në Evropë për G7 në Mbretërinë e Bashkuar. Uni (nga 11 në 13 qershor) më pas në selinë e NATO-s në Bruksel (14 qershor)
Administrata e Biden gjithashtu kishte parashikuar vende të tjera të mundshme për samitin me Putin, të tilla si Vjena ose Helsinki. Presidenti i Konfederatës Guy Parmelin, tha se ishte “shumë i lumtur” me mbajtjen e samitit në Gjenevë.
Sipas gazetës zvicerane në shqip Le canton27.ch, dy javë para takimit mes Joe Biden dhe Vladimir Putin vendtakimi duket ende po mbahet i fshehur edhe pse gazetarët e kanë zbuluar, flasin për Hotelin Interkontinental 300 metra afër OKB-së dhe misionit amerikan dhe rus, gjë kjo qe ende nuk është oficiel, por përgatitjet e takimit tashmë veç kanë filluar në fshehtësi.
Një gjë dihet se, pajisjet ushtarake amerikane dhe ruse zbarkuan të dielën e kaluar për një kontakt të parë me Aeroportin e Gjenevës, në pritje të takimit midis Joe Biden dhe Vladimir Poutin. Ditëve të ardhshme do te arrijnë edhe avionët e ngarkesave nga të dy vendet do të zbarkojnë në Gjenevë. Më 16 qershor, ditën e takimit midis dy burrave, derisa aeroplanët presidencialë do zbarkojnë, trafiku ajror do të pezullohet
Në terren, siguria sigurohet nga Policia Federale Zvicerane (Fedpol), e cila specifikon në veçanti se ata punojnë me policinë kantonale të Gjenevës: “Fedpol po vlerëson situatën e cila do të përcaktojë shtrirjen e sistemit të sigurisë. Zbatimi i masave të sigurisë është përgjegjësi e forcave policore kantonale në fjalë. Shërbimet e sigurisë së delegacioneve të vendeve në fjalë janë gjithashtu të përfshira ngushtë.”
Takime janë caktuar gjithashtu midis partnerëve të ndryshëm të sigurisë këtë javë. Nga ana e tyre, rusët dhe amerikanët tashmë kanë filluar punën e tyre të zbulimit atje. Ashtu si shërbimet e sigurisë në Gjenevë.
Si gazetarët ashtu edhe qytetarët sy e veshe kanë kah Gjeneva dhe Berna për pritjen e takimit “tête à tête” të dy burrave nga Uashingtoni dhe Moska. Mbyllja e trafikut do të varet nga shumë faktorë, përfshirë vendndodhjen dhe kohëzgjatjen e takimit midis Joe Biden dhe Vladimir Putin. Nëse asgjë nuk është zyrtare akoma, takimi duhet të zhvillohet në hotelin Interkontinental. Negociatat po shkojnë mirë…
Takimi i 16 qershorit midis Biden dhe Putin është më i ndjeshmi dhe mund të ndezë shkëndija. Joe Biden gjithashtu nuk hezitoi të miratojë kohët e fundit termin “vrasës” për Vladimir Putin dhe tha se ai do të “paguante çmimin” për përpjekjen për të destabilizuar zgjedhjet presidenciale të vitit 2020.. Ndërhyrjet në zgjedhjet presidenciale amerikane, operacionet e piraterisë dhe sigurisë kibernetike, kontrolli i armëve bërthamore, Ukraina, çështja Navalny dhe tani çështja Protassevich: Temat e mosmarrëveshjes janë të shumta. Njokohesisht nder temat qe do bisedohet padyshim do jete edhe Ballkani, në veçanti dialogu mes Kosovës dhe Serbisë.
Sipas burimeve dioplomatike të redaksisë së gazetës zvicerane në shqip Le Canton27.ch edhe Kosova do jetë në agjendën e këtij samitit historik si temë e debatit të nxehtë.
Nga ky takim i dy burrave te mëdhenj botëror Biden dhe Putin që mund të quhet takim historik, një gjë është e sigurt, se bota pas 16 qershorit nuk do të jetë më kjo si deri më sot, por më e mirë ose më e keqe!
