Jashtë, temperaturat po bien dhe çmimet e gazit po rriten në tregjet e së ardhmes. Evropa po shkon drejt një dimri të shtrenjtë. Rusia mund të lehtësojë ngushticat. Por Putini nuk e dëshiron aspak këtë, thotë një ekspert i Moskës për energjinë. Presidenti rus dëshiron një monopol për Gazprom - dhe ngadalëson tranzicionin energjetik të Evropës.
Gjermania, sikurse pjesa tjetër e Evropës, po përballet me dimrin më të shtrenjtë të të gjitha kohërave. Në kohën e duhur për fillimin e sezonit të ngrohjes, çmimet për gazin natyror janë në një nivel rekord. Në Amsterdam, një megavat orë kushtoi më shumë se 116 euro në fillim të muajit. Një vit më parë, e njëjta sasi e energjisë kushtonte vetëm 15 euro - pak më pak se një e teta e çmimit të sotëm.
Disa qeveri evropiane kanë marrë masa për të kundërshtuar kostot e tmerrshme të energjisë , përfshirë uljen e përkohshme të TVSH -së. Por kjo nuk e lehtëson mungesën në treg. Dikush mund të ndihmojë në furnizimin e Evropës me më shumë gaz, e ky është: Vladimir Putin. Por presidenti rus nuk e dëshiron këtë fare, tha një ekspert nga Moska për energjinë për "Spiegel".
Jo vetëm kaq: Putin i nxiti çmimet vetë, përmes ndërmarrjes gjysmë publike Gazprom. Presidenti pretendon të jetë i pafajshëm: akuza se Rusia po përdor gazin e saj si armë është "një marrëzi e plotë". Putin pohon se Gazprom drejton biznesin e tij si normal dhe gjithashtu jep atë që është urdhëruar.
Gazprom preferon të heqë dorë nga miliardat, sesa ta ndihmojë Evropën
Eksperti i energjisë Mikhail Krutichin ka dyshime për këtë. "Shikoni të kaluarën - 2006, 2009, 2012, dimri i 2014/2015. Sa herë që Gazprom ndaloi dërgimin e gazit në Evropë në mes të dimrit, ose e preu atë përgjysmë", tha Krutichin në një intervistë me" Spiegel ". Grupi Gazprom madje ka hequr dorë nga miliarda fitime.
“Sigurisht që ishte për arsye politike. Sot ne shohim çmime të larta të gazit në Evropë. Nëse Gazprom do të ishte një ndërmarrje tregtare dhe jo një instrument politik, do të përfitonte nga situata dhe do të jepte më shumë gaz", tha eksperti. Gazprom e bën anasjelltas, pohon Krutichin. Gazprom as nuk dëshiron të shesë gaz në tregun vendor as të pompojë gaz në objektet e tij të magazinimit në Evropë. Gjithashtu nuk duhet të ketë kontrata të reja, për shembull me vende si Rumania, të cilat paralajmërojnë kundër ngrirjes së çmimit në dimër.
"Nuk ka asnjë logjikë tregtare për t'u parë," thotë Krutichin. Sipas ekspertit, Putin pretendon se askush nuk dëshiron më gaz nga Rusia. Kjo është dukshëm e gabuar, por Gazprom po bllokon vetveten. Sipas Krutichin, një politikan i brendshëm atje tha se Gazprom po bën biznes vetëm sipas rregullave dhe "nëse Evropa dëshiron që ne të tregojmë vullnet të mirë dhe të ofrojmë gaz shtesë para dimrit, ajo duhet të tregojë vullnet të mirë për vetë Nord Stream 2".
"Ne qëllimisht nuk kemi përdorur gaz tjetër derisa ju ti shkelni ligjet tuaja"
Krutichin mendon se ky është një shantazh. Ajo që Putini dëshiron është një monopol në Evropë. Për këtë, kontinenti duhet të heqë dorë nga rregullat e tij të kartelit. "Ata e thonë atë pikërisht kështu - edhe pse prapa dyerve të mbyllura - po, ne me qëllim nuk kemi përdorur gaz tjetër derisa ju të shkelni ligjet tuaja," thotë eksperti.
Jo vetëm kaq. Gazprom ka efektin e vet nxitës të çmimeve në treg përmes dy faktorëve, thotë Krutichin. Grupi ndikon në çmimin e kontratave të së ardhmes, përmes komunikimit dhe dërgesave të tij, për shembull. "Ju mund të fitoni para të mira me kërcënimin e frikës. Kjo krijoi një flluskë", tha eksperti për "Spiegel".
Pse po e bën këtë Putin? Motivi, thotë Krutichin, është tranzicioni energjetik i Evropës. Pretendimet e Putinit se Rusia tashmë kishte dërguar më shumë gaz në Evropë këtë vit janë të rreme. Sipas informacionit të Krutichin, vendi gjithashtu do të kishte më shumë se gaz të mjaftueshëm për të furnizuar veten, si dhe për të kursyer Evropën në një dimër të ftohtë. Ajo që mungon është vullneti: "Udhëheqja ruse papritmas e kuptoi se ajo që ata prisnin vetëm në 50 vjet do të bëhet realitet shumë më shpejt." Evropa po punon me vendosmëri për të marrë furnizime pa CO2. "Udhëheqja ruse e ka kuptuar se ajo mund të humbasë të ardhurat nga eksporti i lëndëve djegëse fosile të saj shumë më herët nga sa mendonte," thotë eksperti.
Dy pikëpamje përplasen në krizën e gazit
Rezultati: "Tani, në fakt, po shpallet një luftë: Na vjen keq, por ju duhet ta ngadalësoni këtë tranzicion. Putini e bëri të qartë këtë kur tha se Rusia, do të bëhej neutrale ndaj klimës deri në vitin 2060. Përkthyer, kjo do të thotë: Me datat e synuara 2035, 2040, 2050, ngadalësoni, nuk do të funksionojë aq shpejt për ju.
Nuk ka rëndësi që Gazprom mund të jetë duke bërë biznes të mirë tani. "Ju vendosët të përballeni. Në Evropë ata thonë: Kriza e gazit tregon se ne ende duhet të përshpejtojmë kalimin në energji të rinovueshme. Në Moskë thonë të kundërtën. Dy pikëpamje përplasen", thotë Krutchin për" Spiegel ". Por as eksperti nuk mund të thotë se si do të përfundojë e gjithë kjo. Ai dyshon në taktikat e Kremlinit: "Megjithatë, unë nuk mendoj se ne do të jemi në gjendje t'i lëmë evropianët jashtë të ftohtit këtë dimër."/Nga Gjermanishtja Sherif Ramabaja
