Momenti kur aeroplani i pilotuar nga biznesmeni rus dhe gruaja e tij bie në tokë

Evropë

Momenti kur aeroplani i pilotuar nga biznesmeni rus dhe gruaja e tij bie në tokë

Më: 26 tetor 2021 Në ora: 08:31
Foto

Disa pamje të publikuara nga mediat e huaja thuhet se tregojnë momentin tragjik kur një çift u rrëzua dhe vdiq në një aeroplan me dy ulëse pak çaste pas ngritjes – teksa nipërit e tyre të tmerruar e shikonin të pafuqishëm.

Sipas mediave të huaja, Yuri Samofalov, 69 vjeç dhe gruaja e tij Tatyana Pokoevaya, 67 vjeçe, ishin duke fluturuar me aeroplanin pranë Moskës, ndërsa familja e tyre i shikonte.

Por aeroplani u fut në telashe dhe ra në tokë pak pas ngritjes të dielën.

Piloti Samofalov, një biznesmen, dhe gruaja e tij vdiqën në vend në aeroplanin e tyre të vogël A-22.

Më vonë doli se aeroplani ishte nisur pa leje nga kontrollorët e trafikut ajror në aeroportin Vakulino në rrethin e Ruza.

“Samofalov nuk kishte marrë leje për t’u ngritur”, citohet të ketë thënë një burim i zbatimit të ligjit.

Fluturimi fatal u raportua të ishte i pari që çifti kishte realizuar së bashku me aeroplanin A-22 me dy ulëse të prodhimit ukrainas, i quajtur edhe Flying Fox. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat