Rritet numri i finlandezëve që e shohin Rusinë si kërcënim, mbështetet anëtarësimi i vendit në NATO

Evropë

Rritet numri i finlandezëve që e shohin Rusinë si kërcënim, mbështetet anëtarësimi i vendit në NATO

Më: 27 tetor 2021 Në ora: 14:59
Foto ilustrim

Përderisa rreth 60 për qind e finlandezëve e konsiderojnë Rusinë një kërcënim ushtarak dhe 45 për qind kanë një opinion negativ për vendin, mbështetja për t’u bashkuar me NATO-n gjithashtu ka parë një rritje të lehtë, zbulon një sondazh i realizuar nga Instituti i Biznesit Finlandez dhe Politikë (EVA).

Siç shkruajnë mediet e huaja, që nga sondazhi i mëparshëm i EVA-së në vitin 2012, opinionet negative për Rusinë janë rritur me 26 për qind.

Për sa i përket Rusisë, qëndrime më të favorshme apo 60 për qind gjenden te moshat mbi 65-vjeçare. Ndërkohë, mes atyre me diplomë akademike, vetëm 21 për qind mendojnë pozitivisht për Rusinë.

Midis partive politike më kritikët ndaj Rusisë janë votuesit e të Gjelbërve, të ndjekur nga Aleanca e Majtë, Partia Konservatore e Koalicionit Kombëtar dhe Partia Popullore Suedeze. Ndërsa votuesit për Partinë Finlandeze, Partinë e Qendrës dhe partinë e vogël liberale Lëvizja Tani janë më të favorshëm për Rusinë.

Instituti EVA thotë se sjellja e Rusisë në Ukrainën lindore, në Siri dhe trajtimi i Alexei Navalny janë shtytësit kryesorë të ndjenjës anti-Moskë.

Instituti Finlandez i Biznesit dhe Politikës ka anketuar gjithashtu opinionet rreth anëtarësimit të mundshëm në NATO.

Mbështetja për anëtarësimin e Finlandës është rritur me 4 për qind në 26 për qind. Por brenda partive mund të ndodhin disa ndryshime të rëndësishme.

Një vit më parë, shumica e atyre që votuan për Social Demokratët, Qendrën, Aleancën e Gjelbërve dhe të Majtë ishin kundër anëtarësimit në NATO. Sot, vetëm mbështetësit e Aleancës së Majtë dhe Lëvizjes Tani kundërshtojnë të qenit pjesë e NATO-s. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat