Policia gjermane ndalon “imunizimin” ilegal në një aeroport, vaksinat e dhëna nuk ishin miratuar nga autoritetet për përdorim kundër COVID-19

Evropë

Policia gjermane ndalon “imunizimin” ilegal në një aeroport, vaksinat e dhëna nuk ishin miratuar nga autoritetet për përdorim kundër COVID-19

Më: 28 nëntor 2021 Në ora: 14:31
Foto ilustrim

Policia gjermane ka ndalur të premten fushatën e kundërligjshme për vaksinim në aeroportin e Lübeck, ku edhe tërhoqi vëmendjen e shumë njerëzve.

Policia njoftoi se vaksina që u proklamua nuk ka marrë miratimin për përdorim nga organet shëndetësore, dhe se përdorimi i saj konsiderohet si vepër penale sipas ligjeve në Gjermani.

Mbi 50 persona janë vaksinuar me këtë preparat para e policia të ndërpriste fushatën. Pronari i aeroportit është Winfried Stöcker, ndërmarrës dhe mjek që zhvilloi vaksinën e tij kundër coronavirusit.

Kujtojmë që në prill të vitit të kaluar, zyra e tij konfirmoi se po zhvillon vaksinën të cilën pret ta testoj në trupin e tij. E me të ardhur policia në aeroport, afro 80 persona gjendeshin në objekt dhe 150 tjerë në sallën e pritjes së pasagjerëve.

Aty policia sekuestroi mostrat dhe injeksionet e përdorura si dhe përshkrimin e vaksinës së dhënë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat