Akademia Katolike Franceze vë në dyshim gjetjet për abuzim seksual të fëmijëve në kishë

Evropë

Akademia Katolike Franceze vë në dyshim gjetjet për abuzim seksual të fëmijëve në kishë

Më: 29 nëntor 2021 Në ora: 16:44
Foto ilustrim

Anëtarët e Akademisë Katolike Franceze kanë shprehur dyshime për një raport të fundit mbi abuzimin historik seksual në kishë.

Tetë përfaqësues të kësaj akademie prej 250 personash kanë vënë në pikëpyetje gjetjet e Komisionit të Pavarur për Abuzimin Seksual në Kishë (CIASE).

Në tetor, një raport i CIASE vlerësoi se 330 mijë fëmijë ishin viktima të abuzimit seksual që nga viti 1950 brenda kishës, shkruan Euronews.

Gjithsej 216 mijë fëmijë u abuzuan drejtpërdrejt nga kleri francez, shtoi ai.

Hetimi shkaktoi valë tronditëse në Kishën Katolike në Evropë dhe çoi në kërkim falje nga peshkopët francezë dhe Papa Françesku.

Por tetë anëtarë të Akademisë Katolike thanë se CIASE përdorte “metodologji të gabuar” dhe kishte “mangësi serioze”.

Kritikët thanë gjithashtu se komisioni kishte lëshuar rekomandime të dyshimta për të trajtuar abuzimin seksual dhe deklaroi se i takon vetëm Kishës të ndërmarrë lirisht reformat e nevojshme.

Por anëtarët e akademisë specifikuan se ata synojnë të tregojnë solidaritet me viktimat e abuzimit seksual të fëmijëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat