Eric Zemmour do të kandidojë në zgjedhjet presidenciale në Francë

Evropë

Eric Zemmour do të kandidojë në zgjedhjet presidenciale në Francë

Më: 30 nëntor 2021 Në ora: 15:53
Eric Zemmour

Eric Zemmour njoftoi të martën në rrjetet sociale se do të kandidojë në zgjedhjet presidenciale franceze në muajin prill.

Sipas medieve të huaja, në një video 10-minutëshe të publikuar në mediet sociale, Zemmour tha se ai mori vendimin për të kandiduar sepse “asnjë politikan tjetër nuk ka guximin ta shpëtojë vendin nga fati tragjik që e pret”.

“Kam vendosur të kandidoj në zgjedhjet presidenciale që fëmijtë dhe nipërit tanë të mos vuajnë barbarinë, që vajzat tona të mos jenë të mbuluara… që të trashëgojnë një Francë siç e njihnin paraardhësit tanë”, tha ai.

Zemmour ka deklaruar vazhdimisht se Franca po “zhytet” nga imigracioni dhe rrezikon “të humbasë identitetin e saj” nën ndikimin e Islamit, të cilin ai thotë se është “i papajtueshëm” me vlerat perëndimore.

Shumë e akuzojnë gazetarin, i cili është dënuar dy herë për nxitje të urrejtjes, për nxitje të përçarjeve dhe nxitje të diskriminimit kundër popullsisë myslimane të Francës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat