E frikshme: Piloti bën ulje emergjente në urë të autostradës, përplaset me një kamion

Evropë

E frikshme: Piloti bën ulje emergjente në urë të autostradës, përplaset me një kamion

Më: 5 dhjetor 2021 Në ora: 10:50
Pasi zbuloi se motori ka dështuar piloti i detyrua të bënte ulje emergjente në urë të autostradës

Një pilot ka bërë ulje emergjente në urë të autostradës në Gjermani, duke u përplasur me një kamion, raporton “Deutsche Welle”.

Pasi zbuloi se motori ka dështuar piloti i detyrua të bënte ulje emergjente në urë të autostradës, që përdoret nga veturat e mjetet tjera motorike, raporton Policia gjermane.

72-vjeçari ishte duke fluturuar nga Franca për në Holandë, nëpërmjet shtetit gjerman Rhineland-Palatinate, kur nisi të dështonte motori dhe ai shpejt vendosi të ulej.

Ai u ul në urën Sch]arzbachtal, një urë e lartë 100 metra afër qytetit Pirmasens në perëndim të Gjermanisë, ndërsa është në kufi me Francën.

Në urë, aeroplani i tij u përplas me një kamion që po qarkullonte në urë. Piloti shpëtoi me lëndime të lehta, ndërsa shoferi i kamionit nuk pësoi lëndime.

Në vendin e ngjarjes dolën një numër i forcave të emergjencës, ndërsa rruga u mbyllë plotësisht për një kohë për të pastruar karburantin.

Autoritetet llogarisin se kostoja e këtij incidenti kap shumën e afro 60 mijë eurove.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat