7 Dhjetor 1970: Kancelari Willy Brandt u gjunjëzua para Monumentit të Heronjve të Getos në Varshavë

Evropë

7 Dhjetor 1970: Kancelari Willy Brandt u gjunjëzua para Monumentit të Heronjve të Getos në Varshavë

Nga: Beqir Sina - New York City Më: 8 dhjetor 2021 Në ora: 22:15
Kancelari Willy Brandt u gjunjëzua para Monumentit të Heronjve të Getos në Varshavë

Një fotografi e xhest historik, që tregon: "Ja si kërkohet FALJE!!!, Dhe, ja si pajtohen popujt që i kanë ndarë luftarat dhe masakrat!!!

Pesëdhjetë e një vjet më parë, më 7 dhjetor 1970, kancelari gjerman, Willy Brandt u ul në gjunjë para monumentit që përkujtonte shkatërrimin e getos hebreje të kryeqytetit polak.

Dhe ky gjest është kujtuar sot edhe nga Ambasada gjermane në Tiranë me një status me fotografinë e asaj kohe, postuar në faqen e Ambasades Gjermane Tiranë, në Facebook.

Image
Kancelari Willy Brandt u gjunjëzua para Monumentit të Heronjve të Getos në Varshavë

“Brandt manifestoi kështu ndjenjën e turpit për viktimat e krimeve të regjimit nacional-socialist”, tergon fotografia.

Dhe, zgjedhja e tij për t’u ulur në gjunjë emocionoi shumë persona, duke u bërë një “moment historik në pajtimin” mes Polonisë dhe Gjermanisë.

Sakaq: "Në gjunjë para memorialit të Heronjve të Getos në Varshavë thotë në një postim në statusin e saj - gazetarja Luli Progni, bashkautoria e dokumentarit "të Zhdukurit" një bashkëpunim i Kujto dhe Autoritetin per Informim mbi Dokumentat e ish Sigurimit te Shtetit, duke kujtuar fotografinë që bëri histori 51 vjet më parë.

"Kancelari gjerman Willy Brandt dhe gjesti fisnik i ndjesës për viktimat e nazizmit."

Ajo shkruan se në Gjermani ndalohen me ligj simbolet e nazizmit. Ndërkohë, në Shqipëri, ende asnjë ndjesë, asnjë fjalë për mijëra viktima të diktaturës komuniste.

"Në Shqipëri nuk ndalohen me ligj simbolet e diktaturës, përkundrazi glorifikohet figura e diktatorit. Ka edhe deputetë që guxojnë ta vendosin portretin e tij mbi flamur!" ka shkruar gazetarja e njohur Luli Progni.

Image
Kancelari Willy Brandt u gjunjëzua para Monumentit të Heronjve të Getos në Varshavë

Kurse, Ambasada Gjermane Tiranë, e ka kujtuar 7 dhjetor 1970 - me një status të saj shoqëruar edhe me fotografinë, që bëri xhiron e botës, dhe një flamur shqiptar dhe një flamur gjerman.

7 dhjetor 1970 - një fotografi nga Varshava bëri xhiron e botës: Kancelari Willy Brandt u gjunjëzua para Monumentit të Heronjve të Getos në Varshavë. Brandt u nderua më vonë me Çmimin Nobel për Paqen për politikën e tij të pajtimit midis Lindjes dhe Perëndimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat