Vuçiqin donin ta vrisnin me snajper – udhëheqësi i klanit kishte grupin me shtetas serb, malazez edhe nga BeH

Evropë

Vuçiqin donin ta vrisnin me snajper – udhëheqësi i klanit kishte grupin me shtetas serb, malazez edhe nga BeH

Nga: F.B. Më: 24 janar 2022 Në ora: 09:33
Aleksandër Vuçiq

Bosi mafioz nga Kotorri Radoje Zvicer organizoi grupin kriminal me përbërje shtetas nga Serbia, BeH dhe Mali i Zi dhe me mbështetjen logjistike nga disa vende tjera në regjion, që kishin detyrë vrasjen e presidentit të Serbisë Aleksandër Vuçiq, shkruan "Novosti" transmeton “Bota Sot”.

Sipas informatave të deritashme një nga shefat e “klanit të kafes” kishte përcaktuar shkurtin si kohë sulmi, ndërsa atentati duhej kryer me snajper, deri tash janë identifikuar 7 pjesëtarë të grupit dhe janë lëshuar fletarrestimet.

Në mënyrë intensive po grumbullohen të dhënat për përgatitjen e likuidimit të Vuçiq, për të cilin informatat erdhën nga një vend i BE-së me 14 janar përmes Europolit.

Në informatën për atentat janë përmendur 7 emra, më i njohuri është Zvicer, dihet arma që do përdorej dhe shteti ku bëhej dorëzim-pranimi i armës, ku duhej plotësuar arma vdekjeprurëse, fishekët duhej vinin në kanale tjera.

Novosti” shkruan se urdhrin për vrasjen e Vuçiq e ka dhënë Zvicer si një nga drejtuesit e “klanit të kafes” , por ka indikacione “se nuk është i vetmi bë planifikim”, por në marrëveshje me mentor nga Mali i Zi.

Lidhur me rrezikun institucionet kanë ndërmarr masa dhe është njoftuar Vuçiq, kjo situatë ju përgjigjet grupeve të caktuara brenda e jashtë dhe përkujton situatën në vrasjen e Gjingjiç-it

Analisti Predrag Rajiç nga Qendra për stabilitet shoqëror thekson se kërcënimin duhet marr me shumë seriozitet dhe duhet ndërmarr masa me kohë.

“Ftoj organet përgjegjëse që të bëjnë punën e tyre dhe të mbrojnë presidentin siguria e të cilit qartë duket se është rrezikuar. Vuçiq me luftën e pa kompromis ndaj krimit është bërë halë në sy të fuqishmëve dhënë duhet të qëndrojmë përkrah tij si simbolin e unitetit tonë” tha Rajiç.

Sipas informatave të deritashme, mjetet financiare për kryerjen e atentatit vjen nga tregtimi jolegal i narkotikëve. Dihet se Zvicer në bazë të dhënave policore dhe atyre nga inteligjenca por edhe Interpol është një nga furnizuesit kryesor të Evropës perëndimore me kokainë që e siguron nga Amerikan Jugore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat