‘Mund të jetë Çeçenia e tyre e re’/ Paralajmëron Johnson: Pushtimi i Ukrainës nga Rusia do të ishte shkatërrimtar për ta!

Evropë

‘Mund të jetë Çeçenia e tyre e re’/ Paralajmëron Johnson: Pushtimi i Ukrainës nga Rusia do të ishte shkatërrimtar për ta!

Më: 24 janar 2022 Në ora: 20:47
Boris Johnson

Kryeministri i Mbretërisë së Bashkuar, Boris Johnson, ka paralajmëruar Rusinë se invadimi i Ukrainës do të ishte i dhimbshëm për ta. Ai shtoi se inteligjenca është e qartë se janë 60 grupe beteje në kufi me Ukrainë dhe plani është për një luftë të shpejtë dhe situata është e zymtë.

Kur u pyet sot për tërheqjen e disa prej stafit nga ambasada britanike në Ukrainë, Johnson tha se kërcënimi i invadimit është i qartë.

“Ne duhet të ja bëjmë shumë të qartë Kremlin, Rusisë, se ky do të ishte një hap shkatërrimtar” tha Johnson.

Johnson u fokusua së pari në një pako sanksionesh të rënda ekonomike ndaj Rusisë për të cilat pop punojnë bashkërisht me partnerët e tyre përreth botës pastaj vazhdoi me koston njerëzore nga një invadim potencial.

“Por na duhet të bartin porosinë se invadimi i Ukrainës nga një këndvështrim i Rusisë do të jetë e dhimbshme, dhunshme dhe një gjë e përgjakshme. Dhe është shumë e rëndësishme që njerëzit në Rusi të kuptojnë se kjo mund të jetë një Çeçeni e re” tha Johnson dhe shtoi. “Unë kam qenë disa herë në Ukrainë, i njoh njerëzit e atij vendi ca, dhe mendimi është se ata do të luftojnë, dhe kjo me të vërtetë nuk është ajo nga duhet të shkojë bota. Shpresoj që këtë ta kuptojnë në Kremlin, por është detyrë e Britanisë që të sigurohet se miqtë dhe partnerët tanë përreth botës – posaçërisht në Europë – poashtu ta kuptojnë këtë, dhe të përgatitemi për një pako mjaftueshëm të ashpër të sanksioneve”.

Qeveria britanike ka konfirmuar poashtu se nuk ka plane tani për dërgimin trupave britanike në Ukrainë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat