Kryeministri grek fjalim historik në Kongresin Amerikan, i dërgon mesazh Turqisë

Evropë

Kryeministri grek fjalim historik në Kongresin Amerikan, i dërgon mesazh Turqisë

Më: 17 maj 2022 Në ora: 21:03
Kryeministri i Greqisë, Kyriakos Mitsotakis

Kryeministri i Greqisë, Kyriakos Mitsotakis ka mbajtur një fjalim historik në Kongresin Amerikan. “Nuk ka nder më të madh”, tha kryeministri duke nisur fjalën e tij para ligjvënësve në SHBA.

Një fjalim i mbushur plot me referenca për lidhjet e përbashkëta të Greqisë dhe SHBA-së, për vlerat e përbashkëta të dy vendeve dhe për luftën e tyre për liri e demokraci, raportojnë mediat në Greqi.

Megjithatë, një fjalim në të cilin kryeministri nuk mungoi të tregohej i prerë për pushtimin rus të Ukrainës dhe gabimet e BE-së, ndërkohë që i dërgoi një mesazh Ankarasë, ku bën thirrje për ndërprerjen e menjëhershme të fluturimeve në ishujt grekë dhe sqarimin se nuk do të tolerohet asnjë cenim i sovranitetit kombëtar.

Ndonëse nuk përmendi drejtpërdrejt emrin e Turqisë, kryeministri ka bërë një pasqyrim të situatës duke thënë se duhet të ndalohen veprimet provokuese.

“Greqia është gjithmonë e hapur për dialog. Unë do të doja të jem absolutisht i qartë. Ne nuk do të pranojmë asnjë sjellje që cenon sovranitetin tonë kombëtar. Fluturimet mbi ishujt grekë duhet të ndalojnë menjëherë”, tha ai.

Megjithatë, ai i dërgoi edhe një mesazh NATO-s se, meqenëse kërkohet unitet në Aleancë kundër Rusisë, ajo nuk mund të tolerojë sjelljen e Turqisë.

Ai u bëri thirrje anëtarëve të Kongresit që të marrin parasysh këto fakte kur të vendosin për shitje të mëtejshme të pajisjeve ushtarake.

commentFirst article
Sot mund të lexoni Shfletoni kopertinat