Moment i frikshëm: Dy aeroplanë luftarakë francezë u ‘përplasen’ në ajër

Evropë

Moment i frikshëm: Dy aeroplanë luftarakë francezë u ‘përplasen’ në ajër

Më: 23 maj 2022 Në ora: 21:29
Dy aeroplanë luftarakë francezë u ‘përplasen’ në ajër

Këto pamje thuhet se tregojnë momentin e frikshëm kur dy aeroplanë luftarakë francezë u përplasën në ajër gjatë një shfaqjeje ajrore kombëtare në një bazë ushtarake në Francën jugperëndimore të dielën.

Sipas mediave të huaja, incidenti përfshiu aeroplanin Rafale nga skuadroni i 30-të i dhe ndodhi në bazën 709 Cognac-Châteaubernard në Charente rreth orës 12:40 pasdite.

Për fat të mirë, të dy aeroplanët mundën të uleshin në mënyrë të sigurt, megjithatë ka nisur një hetim për aksidentin që la të dëmtuar pjesën e sipërme të bishtit të njërit prej tyre.

Koloneli Nicolas Lyautey, komandanti i bazës ajrore, tha: “Një prej [aeroplanëve] humbi një pjesë të tij,…”, duke shtuar se ata aterruan ‘pa vështirësi’, ‘askush nuk u lëndua’ dhe një përplasje e tillë ishte ‘shumë e rrallë’.

Dëshmitarët raportuan se kishin dëgjuar një zhurmë dhe një banor në fshatin fqinj të Gensac-la-Pallue tha se mbeturinat ‘dëmtuan një çati’ përpara se ‘të binin në trotuar’.

Sipas France 3, zyra e shtypit e Forcave Ajrore tha se ‘një aksident i tillë është jashtëzakonisht i rrallë’ dhe hera e fundit që një incident i ngjashëm ka ndodhur ishte në prill 2010.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat