Të holla shumë, me erë të rëndë, të vështira në përdorim, por mbi të gjitha materiale që nuk dëmtojnë ambientin e të riciklueshme.
Ky është qëllimi i përdorimit të detyrueshëm të qeseve plastike të biodegradueshme. një normë ligjore që prej 4 vitesh është në fuqi në Itali.
Gjobë nga 2500 euro në 25 mijë euro për të gjithë ata pronarë biznesesh që tregtojnë produkte ushqimore e jo ushqimore tek klientët me qese plastike jo të biodegradueshme.
E vlera e gjobës shkon deri në 100 mijë euro, nëse vlera e qeseve plastike jashtë norme është superiore 10% e faturimit të biznesit tregtar.
Ky ligj ka hyrë në fuqi në Itali prej 1 janarit të vitit 2018, e detyron të gjitha aktivitetet tregtare që dorëzojnë produkte ushqimore e jo ushqimore tek klientët. të përdorin qese plastike të biodegradueshme.
Ka të bëjë me dyqanet ushqimore e jo ushqimore, baret, restorantet, piceritë, gastronomitë, pasticeritë, aktivitetet artizanale, farmacitë e shumë të tjera.
Cila janë rregullat që përcaktojnë kur një qese të quhet e biodegradueshme?
Ligji përcakton ndalimin e qarkullimit të qeseve të plastikës jo të ripërdorueshme me trashësi inferiore 200 mikron për ato ushqimore e me dorëza të jashtme, e deri në100 mikron për ato për përdorim jo ushqimor e me dorëza të jashtme e jo të ripërdorueshme.
Po ky ligj ndalon shitjen gratis të qeseve të biodegradueshme e qarkullimin e lirë të tyre në respekt të normativës së paracaktuar.
Sipas ligjit të 2018 qeset plastike një përdorimshe të biodegradueshme duhet të kenë një trashësi 15 mikron e minimumi në 40% i materialit të përbërë nga një lëndë e parë e riciklueshme.
Sipas përditësimit të bërë pak kohë më parë kjo normë prej 1 janarit të 2021 është rritur në 60% minimumi i lëndës së parë me të cilën duhet të jetë prodhuar qesja e plastikës njëpërdorimshme biodegradueshme.
Qeset plastike disa përdorimshme të bidegradueshme me trashësi deri 100 micron duhet të prodhohen me një përbërje minimale 30% lëndë e parë e riciklueshme.
Pse qeset e biodegradueshme mbajnë erë të rëndë e kush është lënda e parë e riciklueshme më e përdorur për prodhimin e tyre?
Qeset plastike të biodegradueshme janë të përbërë nga materiale e lëndë që asimilohen lehtësisht nga ambienti e janë tërësisht të riciklueshme
Materialet bazë për prodhimin e tyre janë niseshteja, druri, acid laktik e alkol polivinil.
Erë e rëndë që mbajnë lidhet pikërisht me materialet organike e të biodegradueshme me të cilat janë prodhuar.
Ligji në fuqi për qeset e biodegradueshme në Itali përckaton se nuk duhen dhënë gratis e vlera e tyre duhet të renditet në faturën fiskale së bashku me prodhimet e blera nga konsumatori.
Ministria italiane e Ekonomisë ka përcaktuar se çmimi i qeseve të biodegradueshme një përdorimshme për fruta e perime nuk duhet të jetë më shumë se 1 cent.
