Urrejtja ndaj SHBA-së dhe NATO-s si bazë: Propaganda ruse përditshmëri në shoqërinë serbe

Evropë

Urrejtja ndaj SHBA-së dhe NATO-s si bazë: Propaganda ruse përditshmëri në shoqërinë serbe

Nga: Sherif Ramabaja Më: 2 korrik 2022 Në ora: 12:09
Aleksandar Vuçiq

Përveç Hungarisë, veçanërisht në Evropë Serbia konsiderohet pro-ruse. Kjo për shkak të lidhjeve kulturore dhe fetare dhe bombardimeve të NATO-s në luftën jugosllave. Megjithatë, peizazhi mediatik, është gjithnjë e më besnik ndaj linjës pro-ruse, ku gjithashtu kjo luan një rol të madh - dhe kryesisht kjo veprimtari i shkon përshtati presidentit rus Putin.

Lyubova Mariç ishte me burrin e saj serb për dymbëdhjetë vjet. Pastaj erdhi lufta në Ukrainë dhe i dha fund martesës së tyre. Kishte pasur probleme edhe më parë, thotë ukrainasja. Por pas pushtimit rus të atdheut të saj në shkurt, gjërat dolën jashtë kontrollit: burri i saj filloi të thithte dhe të promovonte propagandën ruse në një shkallë të gjerë. Njoftimet e Kremlinit takuan një audiencë të hapur në Serbi. Një urrejtje e përgjithshme ndaj NATO-s dhe SHBA-së ka bërë që shumë njerëz të qëndrojnë në anën e Moskës. Ndërsa pjesa më e madhe e Evropës po godet mediat ruse të lajmeve, ato po lulëzojnë në Serbi. Edhe mediat shtetërore shpesh papagallëzojnë deklaratat e Kremlinit.

Lyubova Mariç nuk e njohu njeriun me të cilin dikur ra në dashuri. Ai madje ia ndaloi djalit të saj të dëgjonte muzikë popullore ukrainase dhe e quajti atë vepër të “nazistëve”, thotë ukrainasja. Ajo shpresonte për mbështetje dhe mirëkuptim, por burri i saj fajësoi "të gjithë përveç rusëve", thotë 44-vjeçarja. Kështu ajo i paketoi gjërat e saj dhe u kthye në Ukrainë pavarësisht luftës.

Nën presidentin Aleksandër Vuçiq, mediat serbe janë lidhur gjithnjë e më shumë me qeverinë. Nga pak media të pavarura të mbetura të lajmeve po përballen me presione të vazhdueshëm nga autoritetet. Edhe para luftës, tabloidi kryesor i Serbisë "Informer" botoi artikuj duke lavdëruar Vladimir Putinin. Dhe vetëm dy ditë para pushtimit rus, ajo u paraqiti lexuesve të saj një kopertinë të titulluar "Ukraina sulmoi Rusinë".

Mediat serbe krijojnë kult personalitet për Putinin

Eksperti i gazetarisë Dinko Gruhonjic nga Universiteti i Novi Sadit thotë: "Mediat propagandistike pro-qeveritare të Serbisë kanë krijuar një kult personaliteti rreth Putinit." Kjo madje e kalon kultin e presidentit Vuçiq. Putin gëzon "status praktikisht hyjnor".

Sipas sondazheve të fundit nga organizata joqeveritare Crta me qendër në Beograd, dy të tretat e serbëve ndihen "më afër" me Rusinë. Dy të tretat e popullsisë gjithashtu besojnë se Kremlini u shty në luftë nga "synimet e NATO-s për t'u zgjeruar". I njëjti sondazh sugjeron se 40 për qind e serbëve më mirë do të ishin aleat me Moskën, sesa të ndiqnin procesin e gjatë të anëtarësimit në Bashkimin Evropian. "Mediat pro-qeveritare janë qartazi pozitive për Rusinë, neutrale për BE-në dhe negative për Ukrainën," tha Vujo Iliç, një nga autorët e studimit.

Lidhjet kulturore dhe historike midis dy vendeve kryesisht sllave dhe ortodokse të krishtera datojnë në shekuj. Bluzat me portretin e Putinit shiten në dyqanet e suvenireve në kryeqytetin Beograd. Shkronja "Z", simboli rus për pushtimin e Ukrainës, është pikturuar në muret e qytetit.

I rikujtojnë bombardimet e Serbisë

Bombardimi i Serbisë nga NATO gjatë luftës së Kosovës në vitin 1999 la plagë të qëndrueshme për shumë serbë. Pensionisti 73-vjeçar Tihomir Vranjes thotë: “Nuk kam besim te mediat perëndimore”. Ende e mban mend “çfarë keni shkruar për serbët gjatë luftërave”. "Ne u portretizuam si kafshë. Ashtu siç nuk ishte e vërtetë atëherë, dhe ajo që ata thonë për rusët nuk është e vërtetë tani."

Për shkak të raportimeve pro-ruse për luftën, ambasadori ukrainas në Beograd tashmë ka protestuar se, "qytetarët e Serbisë nuk janë të informuar siç duhet". Edhe për një ukrainase si Lyubova Mariç, i cili ka akses në llogaritë e dorës së parë, është e vështirë të depërtosh vërshimin e dezinformatave dhe propagandës. "Propaganda e juaj është aq efikase saqë pas pesë minutash leximi filloj të pyes veten si është e mundur," thotë ajo./ Burimi: ntv.de, Miodrag Sovilj, AFP, Nga Gjermanishtja Sh. Ramabaja

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat